Psalms 131
Bidigo te konealubo po dąų olama, Godiba gedu haluasa po wali
1Genuai Bidi, eno te hagoma yali kolesagatagalama, tama eno te ena digi te nogi
ugwaba me sabeo.
Eno te genuai nai dabede homu kone me isiąma,
tama te eno konesiąwai nai dabede
me eno homu kone me ebo menio.
2Tiali goli, ena te bugagia duagulama,
tama ena homu dua tegaluai.
Ena te wai bǫų aga idago nogode digi
pagealubo tiwai elalubao.
Tama tiwai naga, eno haliga me te dua digi elalubao.
3Te Israel dabe, dagego konealubo
homu Genuai Bidiba muiyąo,
megi me, tigidali sogo nosali me, te tama tiao.
Copyright information for
MPS